Campagnas

S’IDEA PRUS LUGHENTE? SU RISPÀRMIU!
In Itàlia e in Sardigna, terras pòveras de matèrias primas addatas a produire energias, b’at una sienda istremenada e no impreada de energia neta e de badas: su rispàrmiu  nergèticu!  Su 13 de freàrgiu proponimus a totus de nos apoderare prus chi podimus
de custa richesa chi no agabbat mai!

S'ULS aderit a sa campgana “m’illumino di meno” de www.caterpillar.rai.it, sa trasmissione de Rai2 in unda cada die dae sas h 18 a sas 19.30,  cun un'initziativa de publitzidade sotziale in agiudu a s’ambiente, pro sa die de su 13 de freàrgiu, DIE DE SU RISPÀRMIU ENERGÈTICU.

Sa manifestatzione internatzionale est arribbada a sa de 5 editziones. In sas àteras editziones, sunt istadas milliones sas pessones impignadas in una gara ètica de pràticas ambientales bonas. Gente normale, iscolas, aziendas, museos, grupos multinatzionales, sotziedades isportivas, entes, assòtzios de voluntariadu, universidades, cumertziantes e artesanos ant aderidu a custa Die.

S'annu passadu su “silèntziu energèticu” at interessadu simbolicamente sas pratzas printzipales de Itàlia e de Europa: in  Roma  su Colosseu, su Pantheon, sa Funtana de Trevi, su Palatzu de su Quirinale, Montecitorio e Palatzu Madama, in  Verona  s'Arena, in  Torino  sa Basìlica de Superga, in  Venezia  Pratza Santu Marcu, in  Firenze  Palazzo Vecchio, in  Nàpule  su Maschio Angioino, in  Bologna  Piazza Maggiore, in  Milanu  su Duomo e Piazza della Scala ma finas  Parigi, Londra, Vienna, Atene, Bartzellona, Dublinu, Edimburgu, Palma de Mallorca, Lubiana  si sunt “illuminadas prus pagu”, che a àteras deghinas de tzitades in Germània, in Ispagna, in Inghilterra, in Romania.

S'ULS, pro custa ocasione, at ammaniadu e localizadu in sardu sa locandina ufitziale de sa Die, pro la difùndere in duas maneras:
a) publicatzione in su situ insardu.net (allegadu in bassu a custa pàgina) in formadu A3 pdf, chi podet èssere iscarrigadu, imprentadu e difùndidu in totue, iscolas, ufìtzios, logos pùblicos
b) locandina A3 chi at a èssere imprentada e difùndida in totue, iscolas, ufìtzios, logos pùblicos