Dae su 10 de Santandria de su 2008 in sa Comuna de Bòtidda est abertu s'isportellu linguìsticu, chi aderit a sa Rete "In Sardu, sa limba nostra", chi tenet comente ente de riferimentu sa Provìntzia de Ogiastra.
S'ufitziu s'agatat in su Palatzu Comunale in Carrera de Reina Elene n.2
e est abertu su lunis dae sas 9.00 a sas 13.00; su martis dae sas 10.00 a sas 12.00 e sa giòvia dae sas 9.00 a sas 12.00.
Sa responsàbile est Antonella Tilocca. Sas finalidades de s'isportellu sunt de ammaniare atos amministrativos in sardu, toponomàstica, sinnalètica e cartellos finas pro sa bidda, collaborare cun cussìgios e consulèntzias cun chie est interessadu a impreare su sardu in sas atividades privadas de interessu pùblicu (entes, butegas, iscolas, impresas, etc.) e de promòvere sa presèntzia sotziale e territoriale de sa limba sarda.
[A. Ticca]
cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.